Jen kelkaj gravaj informoj pri mi:

Nomon kaj adreson vi jam povis legi sur mia bonvenigpagxo

• Mia naskigxjaro: 1944, do momente mi estas 66 jaragxa
• Mi naskigxis sub la astrologia zodiaka signo de: Fisxoj kaj sub la ascendento virgulino
• Profesio: Rentulo (gxis 30.6.2005 mi laboris cxe la firmao Siemens kiel oficisto)
  
• Civila stato: fraula
• Kion mi multe havas: Humoron
• Kion mi ne havas: Automobilon
• Krom tion mi ankorau estas: Konvinkita nefumanto

Por la samideanoj kiuj ne scias kie mia logxloko situas, mi ensxovis la sekvantan grafikon de Germanujo. La rugxa poento montras la situon de la urbo Erlangen. De cxi tiu urbo ekzistas ankau urbprospekto en Esperanto.  La orangxkolora kampo montras la federacian sxtaton Bavarujo.

La plej proksima najbarurbo de Erlangen nomigxas Nürnberg. En Nürnberg mi naskigxis kiel la plej unua filo de Andras kaj Marie Maurer. Mian junecon mi pasigis en la Baldurstraße 8. Cetere, en Nürnberg ekzistas la plej malnova Esperanto-grupo de la tuta mondo.

Jen 2 fotoj de miaj gepatroj:

maldekstre: la foto cxe la geedzigxo	dekstre: profundagxa en la propra domo

Maldekstre mia patrino kun la filoj Bernardo, Manfredo kaj Norbert (ankorau bebo)	dekstre: Mi (meze) flankite de la fratj Norbert kaj Manfredo

maldekstre: Frato Norbert kun edzino Gesine	dekstre: Frato Norbert kaj mi dum sia 50.naskigxtagfesto

Cxar mia sekcio de la firmao Siemens en la jaro 1965 translokigxis al la najbarurbo Erlangen, mi ankau devis translogxigxi, kaj povis ne plu logxi cxe miaj gepatroj. Unue mi logxis en katolika junulara hejmo por junaj laborantoj.

la foto montras la hejmon por junaj laborantoj en Erlangen, en kiu mi tiam tre bonfartis

Tie mi konatigxis sinjoron Schmidt, li volis instrui junulojn en cxi tiu hejmo senkosta la internacian lingvon. Sed bedaurinde nur mi sole akceptis lian oferton kaj vere lernis. Sed sinjoro Schmidt cxiam havis multe da timo, ke mi povus denove fini la lernadon kaj pro tio li ne postulis de mi suficxe forte lernsukcesojn. Cxu vi povas imagi, ke mi post la kurso tute ne regis nian lingvon !!!

Cxar mi mem estis malkontenta kun cxi tiu rezulto, mi acxetis kaj studis diligente la tiaman tute novan lernprogramon "Esperanto programita" (lau mia opinio gxis hodiau la plej bona Esperanto-lernprogramo) de Hermann Behrmann el Paderborn (hodiau Berlin). Se vi volas plu ekscii pri mia Esperanto-vivo vi povas legi tie

En la jaro 1972 mi petis mian labordonanton, la firmaon Siemens, ke gxi donu al mi fabrikan logxejon kaj pro tio mi logxis ekde 1.10.1972 en la "Siemens-kvartalo" de Erlangen. Komence mi nur havis malgrandan unucxambran logxejon, tiam tie nur logxis frauloj.

En la jaro 1989 konsilis al mi amiko, ke mi prenu pli grandan ducxambran logxejon. Mi denove petis mian firmaon kaj mi ricevis ekde 1.6.89 belan ducxambran logxejon en la "Bissinger Straße 6" (strato). Cxi tiu logxejo tre placxas al mi, mi havas ecx balkonon !!
  Cxi tie vi vidas la domon en kiu situas mia logxejo (supre maldekstre). La dekstra bildo montras la domon de la strata flanko kaj la maldekstra bildo de malantaue (kie situas ankau la enirejo).

La pli granda logxejo nun permesis al mi, ke mi nun povis aligxi kiel gastiganto al "Pasporta Servo" . Ek 1993 mi do estas tia gastiganto kaj jam povis akcepti gastojn el multaj landoj, ecx el Azio kaj Sudameriko. Se vi interesigxas pri miaj gastoj, bonvolu legi miajn raportojn pri miaj gastoj en la lastaj jaroj .

Ek la 1.7.2005 mi estas bedaurinde rentulo cxar finis la kontrakto pri "agxparttempo". Sed cxar mi sentas min suficxe sana, mi nun povas pli multe dedicxi mian honoran oficon kiel konsilanto pri la germana rentasekoro. Legu pli pri tio en la cxapitro "Honoraj oficoj kiuj min okupas".

Malantauen al mia plej unua retpagxo (Bonvenigpagxo)

Malantauen al mia plej unua Esperanto-retpagxo